أمينة تروي موقفا عن تامر حسني في بداياته:"تعب عشان يبقى نجم"

 تحدثت المطربة أمينة عن النجم تامر حسني وموقف حدث معه في بداية مشواره الغنائي. 

وقالت أمينة في رسالتها لأمينة: "ربنا يشفيك ويقومك بمليون سلامة يا تامر يا جدع يا محترم اللي ما يعرفش إن أنا أول مرة شوفت تامر وهو صغنن وماسك جيتاره هو ومحمد عدوية كنا في مكتب الأستاذ صلاح الشرنوبي عشان كان بيعمل شريط اسمه شرنوبيات". 

وتابعت: "المهم إني كنت من اللي بيقدموا نفسهم وموهبتهم وكده وساعتها اتفرجت على شريط فيديو تامر كان جايبه لأستاذ صلاح يفرجه عليه، الفيديو ده كان تامر بيغني فعليا في قناة النيل لايف أو دراما مش فاكرة بالظبط واللي اديتله الفرصة ساعتها الأستاذة سلمى الشماع وكلنا انبهرنا بيه كلنا وحسيت ساعتها اني قاعدة مع حد نجم أوي ومشهور أوي رغم انه لسه يادوب بيبتدي". 

واستكملت أمينة: "المهم اللي أنا عايزة أقوله إن تامر تعب أوي أوي أوي عشان يبقى نجم وبقى نجم كبير أوي أوي أوي قدها يا تيمو ويا رب تقوملنا بالسلامة يا صاحبي". 

وأضافت: "يا اللي مفيش مرة قابلتني فيها إلا وكلك إحترام وذوق ومبتنساش أصلك وتعبنا من واحنا صغيرين أدعوا لتامر يقوم بالسلامة لحبايبه ولولاده يا رب". 

يذكر أن، تامر حسني أجرى مؤحرا عملية جراحية في ألمانيا وقام باستئصال جزء من كليته.